Det er politikarane i kultur- og folkehelseutvalet som har avgjort at laget på Flemsøy/Skuløy får prisen som består av ein diplom og 50.000 kroner.
Utvalet peiker på at prisen er ein heider til den store frivillige innsatsen som vert lagt ned i fylket for å skape trivsel i lokalsamfunna.
Ungdomslaget Fram driv i fyrste rekke med teater, og vert trekt fram som ein viktig aktør i sitt lokalsamfunn.
Kva skjer? Sjekk kulturkalendaren på smp.no
– Mange får her uvurderleg opplæring i å bruke stemmen sin, dialekta si, stå på ein scene, meistre utfordringar og samarbeide om eit godt resultat. Årvisst sidan 1970-talet har Ungdomslaget Fram gleda lokalsamfunnet med sine forestillingar, heiter det i grunngjevinga.
Prisen vert delt ut på fylkestinget i Molde 9. desember.