Psykolog Marit Bruset har eg stor respekt for. Ho har i årevis tolmodig og sakleg prøvd å gjere folk merksame på den uretten som no vert gjort mot barn og unge her i landet når det gjeld kjønnsforvirrande propaganda og eksperimentell medisinsk behandling som ei fylgje av transideologien. Når regionsleiar for Human-Etisk Forbund, Inger Slinning i Sunnmørsposten 25. januar avfeiar Brusets uro, viser ho liten innsikt i problematikken.
«Kjønnsideologi og risiko for demokratiet»
Dette dreier seg ikkje om «en marginal gruppe av tilhengere av queerteori», men ein massiv påverknad av eit nytt samfunnssyn. Dette er i høgste grad ei sak for Human Etisk forbund. Deira humanistiske samfunnssyn byggjer på noko av det mest grunnleggjande i vestleg kultur, nemleg trua på fornufta og på vitskapen. Dette er noko queer-teorien og andre deler av woke-kulturen tek avstand frå. For dei er all sanning relativ.
«Kvite løgner, rasisme og annan stempling»
Til dømes avfeiar dei, utan prov, at det finst to biologiske kjønn hjå mennesket slik det elles er i alle andre pattedyr. At kjønn skal sitje i hovudet som eit slags sjelekjønn, er ei religiøs førestilling og burde såleis granskast kritisk av nokon som faktisk har danna ei foreining for nettopp slike spørsmål. Alt anna er å svikte oppgåva si.
Aud Farstad
-------------------------------------------
Har du noe på hjertet? Send innlegget ditt til meninger@smp.no.