Leder, 14.august:

«Ambisiøs musikalsk møteplass som inspirerer»

Dei siste dagane har musikkfestivalen Fjord Cadenza sett sitt preg på Sunnmøre, med konsertar både i Skodje, Fosnavåg og Ålesund.

SAMSPEL Kaunas City Symphony Orchestra forsterka med lokale proffar og amatørar på Fjord Cadenza.  Foto: Bjørn Halvorsen

Samspelet mellom unge talent og profesjonelle musikarar er varemerket som festivalen må halde fast på

Leder

Kunstnarisk leiar Rune Bergmann sitt ambisiøse mål er at Fjord Cadenza skal bli ein festival i verdsklasse, og den offensive haldninga inspirerer. Gjennom sitt rike kontaktnett klarer han å hente verdsstjerner til Sunnmøre, slik at publikum får unike opplevingar av klassisk musikk.

I år var det den verdskjende fiolinisten Philippe Quint som toppa programmet, saman med festivalkomponist Bertil Palmar Johansen og dyktige norske musikarar.

Det er imponerande kva eldsjelene bak Fjord Cadenza klarer å få til.

Festivalen har i ei årrekkje vore ein viktig musikalsk møteplass for både unge og godt vaksne.

Det heile starta i 1993 då finansmannen Jens Moe frå Skodje, som var busett i USA, fekk ideen om å invitere unge musikktalent til sommarleg opplæringstilbod i Skodje.

Sommar-kurset vart avslutta med ein konsert for bygdefolket, og dette utvikla seg til å bli eit årleg arrangement med både opplæring og konsertar.

Etter 2005-sesongen vart alt lagt på is mellom anna på grunn av manglande finansiering.


«Fragmentert forspill til Fjord Cadenza»

Publikum fikk servert en salig blanding av musikalske verker kvelden før kvelden.

 

Festivalen vart starta opp igjen i 2011 av Rune Bergmann og Øystein Molvær, og har etter kvart sikra seg ein sterk posisjon, mellom anna med utdeling av eit nasjonalt soliststipend.

Samspelet mellom unge talent og profesjonelle musikarar er varemerket Fjord Cadenza må halde fast på. Det er festivalar som fyller eit behov og som dyrkar sitt særpreg, som klarer å overleve.

For Fjord Cadenza er samarbeidet med Ålesund orkesterskole avgjerande for å oppnå dette. Opplæringa av unge musikktalent har dei siste åra gått føre seg på Borgund folkehøgskole veka før festivalstart i regi av Ålesund orkesterskole.

Dette sommarkurset samlar unge strykarar frå heile landet til ei veke med intensiv opplæring og fellesskap, og i år deltok 64 mellom seks og 20 år.

Dei eldste elevane spelar saman med profesjonelle på Fjord Cadenza i avslutningskonserten i Gomerhuset, og får vist kva dei er gode for.


Solistkonkurranse under Fjord Cadenza:

Birgitta vann 40.000 kroner

Høgt nivå gjorde at juryen i år ikkje klarte å plukke ut ti finalistar.

 

Til gjensidig inspirasjon og glede.

Denne suksessoppskrifta på samarbeid er det verdt å utvikle vidare.

Her finner du alt meningsstoffet på smp.no!

Sunnmørsposten ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg.
Leder