Journalisten Javier Valdez vart skoten og drepen på open gate i Mexico i fjor. Han avdekka narkotikasmugling og organisert kriminalitet. Abdul Manan Arghand jobba for Kabul News TV og var på veg til jobb då han vart myrda.
«Førsteplass som forpliktar»
Terrordommer mot journalister i Tyrkia
Tema for verdsdagen for pressefridom, som vart markert førre torsdag, var medias rolle som vaktbikkje for offentleg maktbruk. Ei fri presse er berebjelken i eit levande demokrati. Derfor er åtak på journalistar som utfører sitt samfunnsoppdrag, eit åtak på demokratiet. Tryggleik for journalistar er eit av satsingsområda i ytringsfridomsstrategien til regjeringa som vart lansert i 2016.
– Vi vil halde fram arbeidet for å fremme og verne pressefridom og uavhengige medium internasjonalt, uttalte utanriksminister Ine Eriksen Søreide i samband med markeringa av Pressefridomens dag. Det er viktig at desse orda blir følgd opp i praksis. Vi må bruke vår fridom til å kjempe for at andre skal få oppleve det same. Fred og fridom er ikkje noko vi kan ta for gitt. Heller ikkje fridomen til å kritisere dei som har makt i samfunnet.