Gratis ferje på lavt trafikkerte samband betyr lite for dei fleste, svært mykje for dei få, og aller mest for Senterpartiet.
Her får partiet mykje for pengane.
I eit revidert budsjett der krisepakkar for fleire titals milliardar skal dekkast inn, er dei knappe 40 millionane dette tiltaket kostar som småpengar å rekne.
Som distriktspolitisk symbol er verdien stor.
Seks ferjer i fylket blir gratis
I ferjefylka Møre og Romsdal og Nordland braut ferjeopprøret laus etter budsjetthausten 2019. Store kostnader på utsleppsfrie ferjer var mellom årsakene til kraftige takstauker.
På toppen av dette vart autopass-betaling innført, og gjorde billettprisen for bilar endå dyrare.
Summen var ekstrarekningar på fleire titusen kroner årleg for mange pendlarfamiliar, medan bedrifter med store transportbehov såg eksistensen sin truga.
Ferjeopprøret blir landsdekkende aksjon
Krafta i opprøret la eit sterkt press på regjeringa og Stortinget. I valåret 2021 vart dette til eit politisk kappløp og nye vallovnader i kø.
Både den dåverande regjeringa og Ap lova halvering. Frp og Sp «dobla» dette med lovnad om gratis ferje til alle.
Trygve Slagsvold Vedum konkretiserte eit delmål om gratis ferje i samband med under 100.000 reisande i året. Det er dette han som finansminister no har fått gjennomslag for.
Garanterer halvering av prisen
I budsjettet for i år er det alt sett av 30 millionar kroner. I revidert budsjett torsdag kjem det framlegg om å legge nye 39 millionar kroner på bordet.
Dette gjer det gratis å reise på vel 30 samband frå i sommar.
I Møre og Romsdal gjeld det seks samband. Det mest trafikkerte av dette er sambandet i Hjørundfjorden.
Blankt avslag på å kutte bomprisen på Nordøyvegen – Sp-topp provosert av egen regjering
Fleirtalet av dei ferjereisande må likevel vente på neste gladmelding. For større samband ligg det nemleg ikkje ei einaste krone i nye kutt no.
I revidert budsjett vil det aller meste no handle om å å finansiere store ekstrakostnader i krisepakkar.
Kostnadane til koronatiltak, straumstøtte og mottak av Ukraina-flyktningar utgjer åleine over 60 milliardar kroner samla. I tillegg kjem eit rekorddyrt landbruksoppgjer.
Samstundes må pengebruken strammast inn.
Nordøyane har god grunn til å vere skuffa
Når regjeringa likevel prioriterer gratis ferjereiser på dei minste sambanda, fortel det først og fremst at Senterpartiet er i knipe. Dette er eit distriktspolitisk tiltak med stor symbolverdi, det er lett å kommunisere og det har lav pris.
For ein finansminister som styrer eit parti i krise på målingane, er dette eit «kinderegg» han ikkje kan seie nei til. Det er akkurat slike søtsaker Senterpartiet no treng.