Konsulentselskapet BDO utarbeidde i februar 2022 ei konsekvensutgreiing for kommunedelinga. Her vart kostnadane knytt til kommunedelinga estimert til å kunne bli ein stad mellom 60 og 70 millionar kroner. Ein ser at Ålesund kommune har gonga dette tala med nesten fire – til 237 millionar.
Dette er høge tal, som ein ikkje utan vidare skal godta. Derfor ville eg samanlikne med kommunar i Sverige som er delte.
Det er 13 kommunar i Sverige som er delte etter 1980, den siste var Knivsta kommune som i 2003 gjekk ut av Uppsala kommune. Eg kopierte fakta om Knivsta kommune:
«Fram till år 1971 var Knivsta en egen kommun inom Stockholms län. I och med kommunreformen på 1970-talet bytte vi län och gick, tillsammans med flera andra små kommuner i Uppland, samman med Uppsala kommun. Knivsta kommun bildades 1 januari 2003 genom en delning av Uppsala kommun till två nya kommuner, Knivsta och Uppsala. Det skedde som resultat av en folkomröstning där boende i det som då var Knivsta kommundel röstade för att bilda en egen kommun. Då hade kommundelen ungefär 12 000 invånare.»
Lojaliteten må ligge hos innbyggerne
Eg kontakta finansdepartementet i Sverige, det er dei som har med kommunale saker å gjere. Eg spurde om dei kunne svara meg på kva kostnadane var for å dela Knivsta frå Uppsala. Svaret eg fekk var.
«Vi har inte detaljerade uppgifter när det gäller delningen av Uppsala kommun. Det är dock helt klart att det är kommunerna själva som står för samtliga kostnader när det gäller själva genomförandet av delning eller sammanläggning av kommuner. Däremot är det staten som står för den utredning som ligger till grund för regeringens beslut. Den statliga myndigheten ”Kammarkollegiet” genomför dessa utredningar men det kan också ske genom en särskild utredning som tillsätts av regeringen.»
Så i Sverige er det kommunane som må ta alle kostnader med ei kommunedeling.
Eg kontakta Uppsala og Knivsta kommune for å få svar på kva kostnadane for delinga var. Svaret var at kostnadane var ca. 22 millionar kroner. Gjer ein det om til 2022-prisar vart kostnadane for å dele Knivsta kommune frå Uppsala kommune ca. 33 millionar kroner.
Haram ut av Ålesund: Blir svært dyrt
Ålesund kommune på si side meiner at kostnadane med å dele Haram kommune frå Ålesund kommune blir 237 millionar kroner.
Ein ser då at i Sverige der kommunane må betale kostnadane for å dele kommunen prøver dei å halde kostnadane lave. I Norge, der staten betalar for delinga, prøver kommunar og fylke å få kostnadane til å bli høgast mogleg.
Har politikarane i Ålesund kommune eit truverdig svar på kvifor forskjellen er så stor?