Russland sin krig mot Ukraina kan ikkje forsvarast eller unnskyldast. For venstresida må det være viktigast av alt å få stoppa krigen når om lag 1000 soldatar og sivile døyr kvar dag.
Så er det dessverre slik at krigens retorikk gjer at at ein då forhandla ut frå stoda den dagen krigen stoppa. Det må ikkje hindre oss i å prøve å finne løysingar.
– Russland er den største etterretningstrusselen mot Norge i 2023
«Stortinget ber Regjeringen om å ta initiativ til at krigshandlingene i Afghanistan stoppes og til en politisk løsning der langsiktig internasjonal forpliktelse til humanitær bistand til Afghanistan inngår.»
Forslag frå SV i Stortinget 15. november 2001 under debatt etter statsministeren si utgreiing om situasjonen etter terrorangrepa mot USA. Vi prøvde i alle fall, og alle i stortingssalen den dagen var opptatt av humanitære bidrag sjølv om forslaget berre fekk 15 røyster.
Etter 20 år med krig og trillionar av dollar er det lett å sjå at forslaget ikkje var så dårleg.
Eg har stemt for våpenhjelp til Ukraina og argumentert imot, fordi eg forstår at det kan være naudsynt og situasjonsbestemt.
Kor går grensa for opptrapping?
Et enormt hjelpebehov i Ukraina
Eg er særs redd for mobiliseringseffekten «tyske tanks» kan ha i russisk opinion, og no seier Biden at F-16 ikkje er på tale. Kva seier han neste veke? Krigen kan truleg uansett ikkje vinnast.
Mi eiga partileiing har eg oppmoda om å være kreative og komme med gode forslag til våpenkvile og forhandlingar samtidig som dei eventuelt støtta våpen og humanitær hjelp.
SV si stolte historie på fredspolitikk må då kunne vise seg i konkrete forslag. Vi treng forslag som kan breie ut debatten, ut over det fattigslege; send meir våpen!
I SV argumenterar fleire med at dei syns det er krevjande å komme på gode alternative forslag, fordi debatten har blitt slik at ein enten er for å sende våpen eller så støttar ein Russland (støttar ikkje Ukraina).
Forskarar og andre som er ueinige, uttalar seg nærast ikkje, så vi har mangel på debatt og dermed politisk kreativitet. Kjent dynamikk frå dei fleste krigssituasjonar.
Vi bør alle klare å rive oss laus frå idefattegdommen, og få opp alle kreative forslag som kan stoppe krigen.