Vi lokallaga i Herøy, Ulstein, Ørsta, Volda, Sande og Vanylven Senterparti støttar dei tilsette og pasientane ved Mork rehabiliteringssenter.
Volda vil kjempe for Mork
På Mork kan ein tilby ei tverrfagleg behandling på ein stad. Det som er tenkt å komme i staden for Mork er 20 nye senger på Ålesund sjukehus, så blir pasienten sendt heim så fort som mogeleg til behandling i heimkommunen. Det vil seie 2–3 gangar behandling i veka med fysioterapeut, noko som vil ikkje vil vere ei fullverdig behandling som denne pasientgruppa treng for å bli så friske som mogleg.
– Dette er dramatisk for oss
Kommunen kan ikkje følge opp og gi pasientane det same heilskaplege behandlingstilbodet som på Mork, og pasientane si utvikling og moglegheit til å klare seg sjølv og gå ut i jobb igjen, vil derfor bli kraftig redusert. Slik vi ser det, så vil dette ramme både pasientane og kommunehelsetenestene.
Vi ser ingen helsemessige eller økonomiske fordelar ved å stenge ned dette tilbodet. Vi støttar derfor pasientane og dei tilsette ved Mork og vi ber derfor om å behalde Mork rehabiliteringssenter, slik det er i dag.
Frank-Roy MoltuLeiar Herøy Sp, for lokallaga for Senterpartiet i Herøy, Ulstein, Sande, Ørsta, Volda og Vanylven.
Har du noe på hjertet? Send innlegget ditt til debatt@smp.no.