Kleven-konsernet har inngått ei kontrakt med joint venture-selskapet Dess Aqua om å bygge eit fartøy for slakt og transport av laks. Dess Aqua er eigd av Marine Harvest og Deep Sea Supply – begge selskap som er kontrollert av John Fredriksen.

Fartøyet skal leverast frå Myklebust-verftet i Sande i mars 2018.

Kontrakta inneheldt opsjon på eit fartøy til, opplyser Kleven i ei pressemelding tidleg torsdag.

Nær 200 millionar

Ein byggekostnad på 179 millionar kroner kjem fram i kvartalsrapporten frå Marine Harvest som også blei lagt fram i ei børsmelding torsdag.

Men i tillegg kjem støtte på 20 millionar kroner frå Innovasjon Norge.

Fartøya skal gå i trafikk for oppdrettsanlegg i Sør-Norge.

Ny type fartøy

Kleven-konsernet sitt verft i Sande har fem ulike fiskefartøy og to brønnbåtar i ordreboka.

- Slaktebåt er ein ny fartøytype for oss, og vi ser fram til eit nært og godt samarbeid med reiarlag, designselskap og utstyrsleverandørar på dette prosjektet. Fartøyet passar godt inn i vår profil og byggeprogrammet på Myklebust Verft, seier Rasmussen.

Nytt reiarlag

John Fredriksen-selskap vil bygge eige skip for å få ned kostnadane. Foto: Håkon Mosvold Larsen / NTB scanpix

Det var i juni John Fredriksen

la fram planane om det nye brønnbåtselskapet

. Kleven-jobben er ein av to byggekontraktar Dess Aqua har gjort så langt.

Les fleire næringslivsnyheiter på smp.no