Det opplyser både reiarlaget og fylkeskommunen i ei pressemelding.
Verdien på kontrakten er på nær 1,9 milliardar kroner, varar i 11 år og startar opp i januar 2020. At reiarlaget med hovudkontor i Florø vann kontrakten, blei kjend allereie tidleg i januar.
Konsernsjef Dagfinn Neteland stadfestar at dette er ein viktig kontrakt, og rosar fylkeskommunen for å ha lagt vekt på å få på plass miljøvennlege fartøy på strekningane.
Fem av seks ferjer på sambanda skal byggjast nye, og dei vil i hovudsak driftast heilelektrisk. I tillegg vil dei har moglegheit for å segle med diesel for å sikre drifta ved til dømes straumbrott. Før dei nye kontraktane startar skal også ferjekaiene utbetrast i regi av fylkeskommunen.
