Det er Momentium, som saman med ÅKP og NTNU, står bak konferansen der målet er å løfte fram menneska, bedriftene og løysingane som former framtida til eit av dei fremste fagmiljøa i verda.
Konferansen er utvikla i tett dialog med sentrale aktørar som Stokke, Rolls-Royce, Vard, Ulstein, Ekornes, Norwegian Rooms Cluster og Møbelkraft.
Arrangørane minner om at på Sunnmøre har skipsdesign og møbelindustri stått sentralt sidan på starten av 1900-talet.
Då Aftenposten i fjor kåra topp 100 blant norsk design gjennom tidene, tok Stokke sin Tripp Trapp-stol førsteplassen, x-bowen til Ulstein kom på andreplass – medan ostehøvelen tok tredjeplassen.