Skal vere nær ny avtale:

Ulstein vil ha inn friske pengar for å sikre nye kontraktar

Ulstein Group skal vere nær å sikre seg meir jobb. Det er noko av årsaka til at leiinga vil ha på plass 150 millionar i lån frå aksjonærar.

Blanda nyheiter: Konsernsjef Gunvor Ulstein og styreleiar Tore Ulstein møtte måndag pressa for å snakke om ei god og ei dårleg nyheit. At Ulstein Group har sikra seg ny kapital som kan sikre meir jobb om kort tid - men at fjoråret enda med eit nytt stort underskott.   Foto: Marius Rosbach

Næringsliv

Måndag slapp Ulstein Group nyheita om at dei hadde sikra seg grønt lys frå aksjonærane til eit konvertibelt lån for å styrke økonomien i konsernet. Samstundes stadfestar konsernsjef Gunvor Ulstein og styreleiar Tore Ulstein til Sunnmørsposten at dei ville ha pengane på plass no for å sikre meir jobb.