Driftsinntektene for Ekornes-konsernet endte på 804,5 millionar kroner i første kvartal, ned frå 918,5 millionar kroner i første kvartal 2016.
Samtidig er ordrereserven aukande, melder Ekornes i ei børsmelding onsdag ettermiddag.
Viktigaste årsak til nedgang i drifta er verdiendringar i ikkje-realiserte valutaterminkontraktar.
Omlegginga av sofaproduksjon har også hatt igangkøyringsproblem, etter at sofafabrikkane på Hareid og i Sykkylven er slått saman. I tillegg er det svakare omsetning av Svane-produkta.
Justert for verdiendring i ikkje-realiserte valutaterminkontraktar, endte driftsresultatet på 104,9 millionar kroner, ned frå 127,3 mill i tilsvarande periode i 2016, melder selskapet. Justert driftsmargin var 12,6 prosent i perioden.
