Skal byggje offshore-kjempe

"Tårnskip" skal kunne operere under tøffe forhold i nordområda.

Tårn-design Island Navigator er utstyrt med eit karakteristisk innebygd tårn som skal sikre eit trygt og behageleg arbeidsmiljø under operasjon i tøffe vermessige forhold i Nordsjøen og i nordområda. 

Supply

Island Offshore offentleggjer i dag at dei har signert kontrakt med Kawasaki Heavy Industries i Japan, om bygging av eit nytt stort offshorefartøy. Fartøyet vert heile 169 meter langt, og skal nyttast til subseaoperasjonar inkludert toppholsboring, med moglegheit for omgjering til lett brønnintervensjon (LWI) seinare. Dette vert det største fartøyet i Island Offshore sin flåte, opplyser selskapet i ei pressemelding måndag.

Det er Rolls-Royce sitt designteam i Ulsteinvik som har designa fartøyet i tett samarbeid med rederiet, og designtypen har fått kjenneteiknet UT 777. Island Navigator som fartøyet skal heite, vert bygd etter Mobile Offshore Unit- forskrifter, og vert difor for ei flyttbar innretning å rekne.

- I designfasen har vi lagt vekt på utforming av skrog samt val av utstyr som vil gjere Island Navigator optimal for subsea operasjonar. Island Offshore har snart ti års erfaring med liknande innretningar, og no går vi eit steg vidare og etablerer oss på marknaden for toppholsboring, seier Håvard Ulstein, administrerande direktør i Island Offshore, ifølgje pressemeldinga.

Det skreddarsydde designet er utstyrt med eit karakteristisk innebygd tårn som skal sikre eit trygt og behageleg arbeidsmiljø under operasjon i tøffe vermessige forhold i Nordsjøen og i nordområda. Fartøyet er også utstyrt med høgste klasse dynamisk posisjonering, innehar isklasse (ICE- 1B).

Sunnmørsposten ønsker en åpen og saklig debatt. Alle innlegg blir kontrollert etter publisering. Vi forbeholder oss retten til å forkorte, redigere og fjerne innlegg.
Supply