«Acta Auriga» blir eit konstruksjonsstøttefartøy til bruk i offshorevind-industrien. I løpet av dei komande månadene skal skipet bli utrusta og innreidd, testa og prøvekøyrd, opplyser Ulstein Group i ei pressemelding..
Rørslekompensert gangbru og 3D-kran er blant utstyret som skal monterast på skipet. Gangbrua er sikker og trinnlaus i signifikant bølgjehøgd opptil 3,0 meter. Krana kan handterast i signifikant bølgjehøgd opptil 2,5 meter. Skroget har x-bow og x-stern.
Det er plass til eit mannskap på 120. Dekksplassen er på 1.000 m2.
Det nederlandske, familieeigde reiarlaget Acta Marine har over 40 fartøy og opererer globalt i eit breitt spekter av maritime område, heiter det i pressemeldinga.