– Det er ein alvorleg tiltale. Valdtektsforsøk gjer at det er ei sak med strafferamme over seks år, seier statsadvokat Inger Myklebust Ferstad.
Det er også alvorleg at tiltalen i tillegg gjeld forhold der barn er involvert .
Snapchat
Mannen i 20-åra frå Nordfjord må møte i retten i mars. Det er tre fornærma i saka. To av dei er mindreårige.
Siden det er sjanse for at saka blir ført for lukka dører, vil ikkje statsadvokaten levere ut tiltalen.
Men ho fortel at saka gjeld valdtektsforsøk i ein privat bustad. Dessutan er mannen tiltalt for å ha fått to mindreårige jenter til å sende nakenbilde til seg på bildetenesta Snapchat.
Gjer som fleire enn 25.000 andre - lik smp.no på Facebook
Ikkje einig i tiltalen
Forsvararen til mannen, advokat Per Kjetil Stautland, er sparsam med kommentarar, men seier dette:
– Vi er ikkje einig i tiltalen som er teken ut. Det er snakk om langt mindre alvorlege forhold enn det som er lagt til grunn i tiltalen.
Rettssaka kjem opp for Fjordane tingrett i mars, og det er sett av tre dagar til saka.