Sande fastlandssamband var invitert til Samferdsleutvalet i Møre og Romsdal i onsdag for å orientere om prosjektet sitt, som har vore arbeidd med i ein mannsalder.
Det handlar om eit bru og tunellsamband som skal binde saman Kvamsøy, Sandsøy, Gurskøy og Åram. Altså Søre Sunnmøre sitt svar på Nordøysambandet, som stod på dagsorden først i Samferdsleutvalet onsdag.
– Utvidinga av ordninga for ferjeavløysingspengar gjer dette sambandet til ei lønsam investering. Sambandet er sjølvfinansierande, var bodskapen frå delegasjonen frå Sande fastlandssamband.
Les også: Nordøyvegen: Så bratte tunneler ble forbudt i 2014 (pluss)
Gjer som fleire enn 25.000 andre - lik smp.no
Men ei side ved sambandet kom ikkje uventa i fokus. For tunnelane har ei stigning på åtte prosent i snitt. Og Vegdirektoratet har stoppa Nordøyvegen, sidan stigninga er over fem prosent i snitt.
– Vi har alt høyrt på Vegdirektoratet og justert stigninga frå ti prosent til åtte prosent. Og vi fekk godkjenning sommaren 2015. Så vi går vidare med planane, seier Dag Vaagen i styret i Sande fastlandsamband.