Laurdag morgon vart gamle Romsdal fylkesskule på Vestnes totaltskadd i ein brann.
Skulebygninga, som er frå 1910, har stått tom i mange år og var ikkje tilkopla straum.
Kort tid etter hendinga kunne politiet ikkje seie noko om årsak til brannen, men i Vestnesavisa, onsdag fortel lensmann Jan Magnar Sandvik at dei mistenkjer at brannen er påsett.
Her brenner det gamle skolebygget
– Sidan huset ikkje var tilkopla straum, så må brannen ha oppstått på anna vis. Me har tre unge personar i kikkerten som me ønskjer å prate meir med. Men me kan ikkje seie noko om brannen vart starta med overlegg eller ved eit uhell. Det står att å finne ut av, seier han.
Det skal ha vore vitneobservasjonar og tips til politiet i etterkant som har ført dei mot dei tre.
Gammel skolebygning brant ned
Politiet på Sunnmøre melde om brannen litt før klokka 06, laurdag. Etter først å ha opplyst at det brann i ein einebustad vart meldinga korrigert til å gjelde gamle Romsdal fylkesskule.
– Huset er overtent, heitte det frå politiet etter kort tid.
– Status klokka 07.15 skal vere at det ikkje er synlege flammar meir. Bygninga er totalskadd, sa Paul Ola Vestre, operatør ved Møre og Romsdal 110-sentral.
Gjer som meir enn 25.000 andre - følg smp.no på Facebook