– Vi er dei første som går ut med eit klart standpunkt der vi seier nei til å delta i storkommune der Ålesund er med, seier varaordførar Frisvoll til Bygdebladet.
Haram er den mest folkerike nabokommunen til Ålesund. Varaordføraren i kommunen har dermed flagga standpunkt. Ordførar i Haram, Vebjørn Krogsæter, tilhøyrer Senterpartiet, eit parti som er kjent for å vere skeptisk til kommunereforma.
– Passeleg stor kommune
– Haram og Sandøy blir ein passeleg stor kommune, og då får vi sjølve bestemme korleis vi vil ha det. I ein stor regionkommune blir det utkantane som vil lide, seier Frisvoll ifølgje Bygdebladet.
Haram har saman med ni andre kommunar signert ein
historisk intensjonsavtale om Regionkommune Ålesund
.
Folkerøysting
Haram har dermed tre alternativ:
Storkommune med Ålesund.
Samanslåing utelukkande med Sandøy.
Halde fram som eigen kommune som i dag.
Med knapt fleirtal, 14 mot 13, har Haram kommunestyre vedtatt å ikkje gjennomføre innbyggjarundersøking i tillegg til folkerøysting. Ei innbyggjarundersøking frå november i fjor viste at 23 prosent vil ha samanslåing med Ålesund.