– Vi har opna for booking frå 24. juli. Og første dagen er allereie fullbooka, seier adm.dir. Runar Myklebust i Classic Norway, som skal drive hotellet.
Hotellet får 40 dobbeltrom, og kan mellom anna by på restaurant og lobbybar.
– I sommarsesongen vil hotellet ha 11-12 tilsette, medan det blir litt færre vinterstid, fortel Myklebust.
Cecilia Hedvall er tilsett som hotellsjef. Ho kjem frå ei tilsvarande stilling ved Hotell Utsikten i Geiranger, der Frode Rørvik no blir ny sjef.
– Hotellet her i Valldal har fått ei fantastisk plassering nede ved fjorden, og passar godt inn, meiner Myklebust. Offisiell opning av nyhotellet blir 2. september.