71 færre utan arbeid på Sunnmøre i august

Ved utløpet av august  2016 var 4.571 personar heilt utan arbeid i Møre og Romsdal. Det utgjer 3,2 prosent av arbeidsstokken og er ei auke i arbeidsløysa på 14,3 prosent frå same månad i fjor.

Sjekk tala for din kommune i botn av saka!

Krise gir bedriftsboom

– Vi ser ein del nyansar i dette biletet. Sunnmøre har den mest gledelige utviklinga og Romsdalen held seg nokon lunde stabil. Utviklinga på Nordmøre er jamt over god med eit tydelig unntak i Kristiansund som fekk 34 fleire ledige sist månad, heiter det i pressemeldinga.

Arbeidsløysa i Møre og Romsdal er no 2,6 prosent for kvinner og 3,8 prosent for menn.

Oppseiingar i Island Offshore: Seier opp sjøfolk og flaggar om skip

Fleire langtidsledige

I Nav uroar dei seg noko for at det no er ein tydeleg auke blant dei som har vore samanhengande heilt arbeidslause utover 26 veker. Talet på langtidsledige har auka frå 937 til 1.322 siste året.

– Sjølv om arbeidsløysa totalt har auka, har langtidsledige auka meir, slik at andelen langtidsledige har stege frå 23 prosent til 29 prosent det siste året, seier fylkesdirektør Stein Veland.

Arbeidsministeren: – Riktig veg

I landet er det 84.669 heilt arbeidslause. Dette er 3,1 prosent av arbeidsstokken, og er inga endring samanlikna med same periode i fjor.

Det går i riktig retning, seier arbeidsminister Anniken Hauglie (H) til NTB.

– Eg er utrolig glad for desse tala, seier Hauglie.

– Samtidig er det altfor tidlig å friskmelde arbeidsmarknaden og den økonomiske situasjonen. Det er framleis skyer i horisonten. Men vi ser teikn på at det kanskje har stoppa opp, seier ho til NTB.

Uklart om dei vil bestå som eit sjølvstendig rederi i framtida: Farstad på kanten av stupet

Auke berre i Sør-Trøndelag

Nasjonalt falt arbeidsløysa mest i Aust-Agder og Finnmark i august når ein justerer for normale sesongvariasjonar. Det var berre Sør-Trøndelag som hadde ei lita auke i arbeidsløysa, mens det var stabilt i fire fylker, ifølge NTB.

Nasjonalt var bygge- og anleggsyrker og butikk- og salsarbeid yrkesgruppene kor arbeidsløysa falt mest i august. Innan ingeniør- og ikt-fag fortsette ledigheten å auke.

Venter uendra rente

Tala var betre enn venta, ifølge Jeanette Strøm Fjære i DNB Markets til NTB.

– Tala støtter vår forventning om at styringsrenta blir halde uendra etter rentemøtet i september, seier ho.

DNB understreker at arbeidsmarknadstala framleis viser lav sysselsetting og gradvis aukande arbeidsløyse, men at den registrerte arbeidsløysa – som Nav opererer med – er et viktigare tall for Norges Bank.

Sjekk tala for din kommune: