Mandag fira Åge Remøy flagget utanfor hovudkontoret til Rem Offshore.

- Eg er 66 år, og hadde eigentleg tankar om å trekke meg tilbake, og la andre køyre løpet vidare. Men så skjedde det som skjedde. Og det var mot mi vilje. Eg følte at eg då måtte opp igjen og kjempe for at vi fremdeles kunne ha lokal eigarskap, lokale selskap, lokal tilhøyrigheit og hovudkontor i Fosnavåg for å bevare det miljøet vi har hatt her, seier Åge Remøy.

- Eg har då søkt i samarbeid med gamle forretningspartnarar, og stifta investeringsselskapet In Nord Vest. Vi er tre likeverdige partar, med eigenkapital på rundt 500 mill kroner.

In Nord Vest AS vil gjerne samarbeide med eksisterande selskap. Pengane skal brukast nord for Stad.

- Vi vil behalde offshoreverksemd lokalt og utvikle Fosnavåg vidare, seier Åge Remøy.

Per Sævik: – Ei spennande sak (krever innlogging)

Frå fiskeri

Rem Offshore blei i si tid bygd opp frå fiskeri. Investorkapitalen i det nye selskapet kjem også frå fiskeri.

Remøy har med seg islendingen Thorsteinn Mar Baldvinsson, som han har samarbeidd med i ei årrekke. Islendingen er direktør i fiskerigiganten Samherji. Med på laget er og Magnus Leonard Roth. Svensken selde seg nyleg ut av holdingselskapet Norebo Holdings, som blant anna eig Ocean Trawlers og Karat-gruppen.

Inviterar til samarbeid

- Selskapet vil finne ut kva mulegheiter ein har, og inviterer også andre til å vere med på eit slikt samarbeid, seier Åge Remøy.

- Akkurat no ser offshore mørkt ut, men det vil gå opp igjen, om det blir i 2017, 18 eller 19 veit vi ikkje, legg han til.

No skal Åge Remøy ut av dei tidlegare Rem-kontora. Rem-huset er eigd av Åge Remøy og familien, og er vekkleigd til Rem/Solstad for ein periode på tre og eit halvt år.

Vil behalde Solstad-aksjane

Åge Remøy sel ikkje Solstad-aksjane no.

- Eg har ingen planar for dei.

- Kvifor vil dei to andre aksjonærane investere på Nordvestlandet?

- Eg ser på det som ei tiliitserklæring. Pengane skal brukast her i Nordvest, understrekar Remøy.

Åge Remøy blir dagleg leiar i selskapet og han er så langt einaste tilsette.

- Det er viktig at vi i Fosnavåg har aktivitet i sving og lokale beslutningar. Og då kan dette vere eit bidrag, seier Remøy.