– No vil vi avsløre hemmelegheitene i Sulafjorden, seier prosjektleiar Jørn Arve Hasselø til Sunnmørsposten.
Bøyene skal slepast ut frå Brandal i Hareid. I fjorden skal dei samle inn grunnlagsdata for å dimensjonere ei framtidig bru over fjorden.
– Det er kjekt at folk får vite kva desse gule bøyene er for noko, for sjøen er jo mykje brukt, seier Hasselø.
Stasjonane skal måle bølgjehøgde og bølgjeretning, og i tillegg straumretning og saltnivå i ulike høgder.
På land blir det plassert fleire vindsmaster som er 80-100 meter høge.
– No håper vi på skikkeleg uver, seier Hasselø.
Dei tre målestasjonane har blinksignal og AIS.
Neste år kjem det fleire bøyer, og målestasjonane skal stå i fjorden i minst fire år.
Det er Fugro Oceanor i Trondheim som har utvikla målestasjonane.
I sommar vart det kjent at Hafast kjøper seg lobbyhjelp frå pr- og kommunikasjonsbyrået First House.