Fjord1-salet i boks for Havila:

Havila eig 67 prosent av Fjord1

Per Sævik og fylkesordførar Jenny Følling tok kvarandre i hendene og signerte kontrakten fredag.

Shake hands Per Sævik og fylkesordførar Jenny Følling.  Foto: Fjord1

Nyheter

Sogn og Fjordane fylkeskommune har i dag fredag overdratt dei avtalte 26 prosenta av aksjane i Fjord1 til Per Sævik-familiens Havilafjord AS. Det opplyser Fjord1 i ei pressemelding.

Dermed er kontrollen i selskapet formelt overført frå fylkeskommunen til Havila.

Sævik trua med rettssak


Har brukt en milliard på Fjord1

Herøy-reder Per Sævik har til sammen brukt rundt en milliard kroner på å sikre seg full kontroll med Fjord1.

Etter ein lang og krevjande prosess, der Sævik førebudde rettssak mot fylkeskommunen, er Havila-gründer Per Sævik nøgd med at handelen no er på plass:

– Fjord1 er eit veldrive selskap der Sogn og Fjordane fylkeskommune har vore majoritetseigar heilt fram til no. Havila kjenner selskapet veldig godt etter å ha eigd 41 prosent sidan 2011. Leiinga og dei tilsette har dei siste åra gjort ein flott jobb med å snu ei negativ utvikling. Eg ser ingen grunn til at vi skal gjere store endringar i eit selskap som er så veldrive, understrekar Per Sævik.

Fylket vil vere med vidare

Fylkesordførar Følling på si side er glad for at floken mellom fylket og Havila no er løyst.

– Eg er glad denne saka no er løyst, seier fylkesordførar Jenny Følling og held fram: – Vi skal vere med som medeigar i selskapet framover i nokre år og ser fram til eit godt samarbeid med Per Sævik og Havila-konsernet.