– Dette er den verste hjortepåkøyrselen eg har sett, seier Bjarte Rovde, som var ettersøksleiar etter ulykka på Drageskaret.
Kvinne alvorlig skadet etter trafikkulykken i Sande
Han fortel at dette er tredje kollisjonen mellom hjort og bil på ei veke på vegen mellom Gursken og Larsnes.
– Det er mykje hjort langs vegane no, så folk må vere forsiktige, seier Rovde.
Åpne video fra ulykkesstedet i nytt vindu
Staden der ulykka skjedde i dag er ein av dei mest utsette på Gurskøya.
– Det var også ein hjortpåkøyrsel akkurat her for ein og ein halv månad sidan, seier Bjarte Rovde.
Det er 80-sone på staden.
– Og dersom ein bil kolliderer med ein hjort i så stor fart er det stort potensial for skader, seier ettersøksleiaren.
Hjortepåkjørsel ga krøll i morgentrafikken
– Er det godt nok skilta med hjortefare?
– Eg er faktisk usikker på om det er skilt på staden. Men Viltnemnda bad Vegvesenet om å sette opp skilt over Drageskaret for nokre år sidan, og fekk då til svar at slike skilt har lite effekt.
– Kva skal bilistane gjere?
– Faren for kollisjon med hjort er noko vi må leve med, men det gjeld å følge med, og sjå nøye til sidene, seier Bjarte Rovde.