Årsaka er usikkerheit kring kva oppgåver ein større region vil få, melder NRK Rogaland.
Men på fylkestinget kan det likevel bli ja til ein storregion. Fleirtalet har tidlegare sagt at dei er positiv til samanslåing med Hordaland og Sogn og Fjordane.
Fylkesrådmannen i Sogn og Fjordane, derimot, rår politikarane til å seie ja til å slå seg saman med Hordaland og Rogaland, melder NRK Sogn og Fjordane.
Ein føresetnad for fylkesrådmannen er at talet på fylkeskommunar bli langt færre enn i dag.
Stryn negativ
Sogn og Fjordane har vore positiv til ein vestlandsregion. Men Stryn kommune er blant dei som ikkje ønskjer avtalen.
– Stryn kommune kan ikkje sjå at det framforhandla forslaget til intensjonsplan for samanslåing av Sogn og Fjordane, Hordaland og Rogaland vil vere tenleg for Stryn og Sogn og Fjordane, og oppmodar om at den vert forkasta, heiter det i vedtaket i Stryn kommunestyre nyleg.
Frå før har Hornindal gått inn for samanslåing med Volda.
