For takstklasse to, køyretøy over 3.500 kilo, foreslår Guttevik ein takst på 244 kroner.
Utgangspunktet for takstfastsettinga er det gjennomsnittstrafikanten betalar på ferjesambandet mellom Skjeltne og Haramsøya i dag. Det vil seie det same som eit køyretøy under 3.500 kilo med sjåfør og 0.75 passasjer som oppnår full rabatt.
Investeringskostnadane for Nordøyvegen er kostnadsrekna til 3,4 milliardar kroner. Møre og Romsdal fylkeskommune legg til grunn at bompengar skal finansiere om lag 385 millionar av investeringskostnadane over 20 år.
Samferdselsutvalet skal handsame saka måndag før den går vidare i fylkesutvalet same dag. Saka skal så i fylkestinget.