«Mottakar av frivilligprisen 2016 er ei kvinne frå ei av bygdene våre, velkjend i kommunen, og i mange år trufast å sjå på fast stad når ei årviss høgtid stundar til. Prisvinnaren er framleis aktiv, trass i at ho er i åttiåra» skriv juryen om prisvinnaren.
Humberset fekk prisen først og fremst for sitt livslange arbeid i Frelsesarmeen i Volda, i periodar har ho hatt leiaransvar.
Prisvinnaren har også drive søndagsskule i Hjartåbygda, vore med i Sanitetslaget og i Kvite Band.
I tillegg har ho vore aktiv i kommunepolitikken.
«Humberset er eit initiativrikt samfunnsmenneske som har utmerka seg med frivillig innsats på fleire felt, med stort pågangsmot og med omsorg for andre som drivkraft».