Rundt 200 barn og vaksne tende i kveld lys for Syria på Volda stadion.

Samstundes vart det samla inn pengar til Røde kors sit hjelpearbeid i det krigsherja landet.

Fotballmamma

Midt i det heile stod Zozan Hasan, syrisk flyktning busett i Volda. Ho er altmulegkvinne på fotballfritidsordninga til VTI, og ei populær dame mellom ungane.

–Borna har fått med seg det som skjer i Syria, og dei lurte på om det var noko dei kunne gjere. Med denne samlinga håper vi at Zozan ser at vi bryr oss, sa Solveig Storeide, dagleg leiar i VTI Fotball, til dei frammøtte.

Zozan Hasan var rørt over støtta.