Jon Georg Dale (Frp) møter torner på sin veg – men er sikker på distriktsprofilen:
Bondeopprør mot Dales landbruksmelding
Møre og Romsdal Bondelag har gått delvis på barrikadane, og får støtte av Sunnmørsposten på leiarplass i skepsisen mot å redusere talet på såkalla mjølkeregionar i landet frå 18 til 10. Leiar Oddvar Mikkelsen i fylkesbondelaget seier seg redd for summen av tiltaka i landbruksmeldinga, og han dreg sterkt i tvil det ministeren lovar blir betre politikk for distriktslandbruket.
Jon Georg Dale er sikker
– Kva seier du til denne kritikken, Dale?
– For det første registrerer eg at Bondelaget var ute med ei kritisk pressemelding alt før eg hadde rukke å presentert ferdig landbruksmeldinga.
– Dette meiner eg minner om skyttargravshaldningar i utgangspunktet. For min eigen del er eg svært sikker på at dei skisserte tiltaka i meldinga vil få god effekt i distrikta, seier Dale.
Gras i utkantane
Hovudtanken til ministeren i denne samanheng, er å auke kornproduksjonen på sentrale strøk som Austlandet og Jæren, og samstundes minske grovforkrevjande drift som mjølkeproduksjon tilsvarande i same strøka.
Landbruksministeren topper maktkåring
Nye regionar
– Men kva med stridens største eple, mjølkeregionane, bøndene meiner ei halvering vil ta frå dei påverknadsretten – og presse fram skeivt kvotesal?
– Bøndene har alt sjølve vore med og diskutert ein slik reduksjon. Personleg har eg ikkje greidd å få auge på at det ligg særleg påverknad i desse regionane.
– Og eg kan forsikre: Eg er fullt ut villig til å diskutere løysingar for nye regioninndelingar, tilpassa landbruket sitt beste i kvar region, lovar Jon Georg Dale. Han er klar på at det må gjerast grep for å få politikken framtidsretta.
– Dette når det gjeld alt frå miljøprofilen, og mengda av mat som vert produsert, til kvar han skal produserast.
– Sentraliseringa av folk er uvilkårleg sterk, ikkje berre lokalt og nasjonalt, men også internasjonalt. Ikkje minst av denne grunn er eg så innstilt på å skape vilkår som framleis vil gjere det aktuelt for folk i distrikta over heile landet vårt å satse, hevdar Dale.
Risp
– Men det er altså ikkje berre heime i Dalsfjorden du finn klungerkratt og tornar, dei finst til fulle nasjonalt? – Nokre risp av slike tek eg med knusande ro. Men eg skal vere med på at her kan vere mykje å diskutere, og det skal vi absolutt gjere i tida fram mot neste jordbruksoppgjer, lovar matminister Dale. Som alt er i ferd med å pakke bilen for å setje kursen heim til distriktsjulefeiring.
Skummel tone
Bondelagsleiar i Møre og Romdal, Oddvar Mikkelsen, kjøper ikkje ministeren si landbruksmeldingsoptimisme.
2.500 færre gårdsbruk under den blåblå regjeringen