Søndag var dagen «alle» på Sunnmøre skulle på ski. Det fekk dei merke på Strandafjellet. Det har aldri før vore så mange folk på ein dag i januar.
– Eg har aldri opplevd maken i januar. Vi hadde rundt 2.500 besøkande her, seier dagleg leiar Stian Græsdal ved Strandafjellet Skisenter.
Årsaka er naturleg. Etter veker med gråvêr kom nysnøen i store mengder. Så kom endeleg finvêret også.
– Det kom 55 centimeter nysnø på eitt døgn frå fredag til laurdag helga, seier Græsdal.
Dermed opna også Roaldsheisa, og sesongen er skikkeleg i gang.
Roleg dag
Måndag var det rolegare, men pensjonistar, studentar og ein og annan med fleksibel arbeidstidsordning kunne kose seg i og utanfor bakkane.
– Søndag og måndag har vore dei beste dagane i år, seier Asbjørn Langlo frå Stranda.
Han har sesongkort og nyttar sjansen når han kan.
– Det må gjerne kome meir snø. Det er framleis litt lite her, seier Langlo.
På veg oppover på telemarksski kom ekteparet Hallvard og Bodil Fiskerstrand.
– Vi går oppover så lenge det er sol, sa dei to motbakkeslitarane.
Fleire skisenter slik økonomisk: Strandafjellet har godt besøk - men det er framleis vanskeleg å seie når dei vil gå i pluss.
Første tur
I eit brattheng stod Hilde Sveen og dottera Sigrid Saunes Sveen. (5)
– Dette er første turen hennar heilt frå toppen. Målet er å kome seg heilskinna ned, sa Sigrid Sveen, som kanskje angra litt på prosjektet der og då.
– Synest du det er bratt?, spurde Sunnmørsposten femåringen Sigrid.
Ho svara med å riste energisk på hovudet.
Mildvêr
Men kor lenge var Adam i pudderparadis? Midt på dagen skya det til, og det ser ut til at vêrvarslinga held det som er lova: nemleg meir nedbør, og så høge temperaturar at det kjem som regn høgt til fjellet.
Det tar dei ikkje så tungt på Strandafjellet.
Køyrde seg vekk på ski