– Flagga ligg klare på skulen. Dette har vi venta på i over 50 år, seier han.
Det er ikkje lenge sidan regjeringa gav grønt lys til Nordøyvegen til 3,8 milliardar kroner. I heile går vart Nasjonal transportplan diskutert i Stortinget.
– Det er uverkeleg, seier Kathrine Fjørtoft.
Ho bur på Haramsøya og er lærar ved skulen på øya. Begge følgde med på debatten i går.
Lang dags ferd mot Nordøyvegen
Rekke jobben
Også Janita Kjerstad på Lepsøya gler seg til Nordøyvegen er ferdig.
– Reisetida til jobben i Brattvåg blir det halve. Og i helgene kan eg vere på jobb når eg skal, klokka sju, i staden for kvart på ni, seier ho.
Vedtok Nordøyvegen i natt - nå lyses de første kontraktene ut
Eit større øysamfunn
– Nokon seier at 130 kroner i tunnelavgift er litt dyrt. Men det er gratis for alle passasjerar i bilen. Så då treng det ikkje bli så mykje dyrare enn ferja, seier to damer i ein bil på veg om bord i ferja.
Dei knappe 3.000 øybuarane slepp i alle fall å betale når dei køyrer mellom øyane.
– Det blir eit større øysamfunn. Folka på øyane har mykje same mentaliteten, med stå-på-vilje, og som bryr seg. Det kjem til å bli lettare å få til ting, og lettare å satse der ute, seier Kenneth Ulla.
Bustadboom?
Den heilt store bustadboomen har han for så vidt ikkje tru på.
– Om 20 år er kanskje befolkninga 4.500, spår rektoren ved skulen på Haramsøya.
– Kva med dei som syns at 3,5 milliardar kroner er i meste laget for såpass få menneske?
– Dette er pengar som ikkje kunne vore brukt til noko anna enn ferjer. I tillegg er vi jo med på å betale. Og Nordøyvegen vil gje verdiskaping på øyane, seier Ulla.
Spaden i jorda i haust
Marianne Nærø er prosjektleiar for Nordøyvegen. Det er to år sidan ho vart tilsett i stillinga.
I dag sender jo dei fire første delprosjekta ut på anbod. Dette er fire mindre kontraktar. På Austnes, Fjørtofta og Myklebust skal det gjerast klart før tunneldrivinga. I tillegg skal det byggjast anleggsveg ved Skjelten.
– Oppstart kan bli i oktober, seier Nærø.
Deretter blir kontraktane for bru og tre undersjøiske tunnelar utlyst ut på nyåret. Til slutt er det elektroinstallasjonane, med utlysing av kontraktane i 2019 etter planen.