Dømd til eit år i fengsel for narkokjøp

Måndag for litt over ei veke sidan møtte tiltalte, som er busett i Volda, i Søre Sunnmøre tingrett.

Her sto han tiltalt for kjøp av 1,3 kilo amfetamin og ein liter GHB, samt for å ha seld vidare amfetamin til andre.

Aktor i saka, politiadvokat Arne Roti, ville ha mannen fengsla i to år og fire månader, men fekk ikkje medhald.

I dommen står det at tiltalte skal straffast for å ha erverva 502 gram amfetamin og for å ha overdratt 97 gram amfetamin, og han har dermed blitt delvis trudd av retten.

Under rettsaka nekta mannen for sal, og tilstod berre kjøp av ca. 300 gram amfetamin, hovudsakleg til eige bruk.

På bakgrunn av dette meinte mannen sin forsvarar, advokat Erling Flisnes, at aktor si påstand var altfor streng.

Mannen sat varetektsfengsla i nesten fem månader, og Flisnes meinte at straffa difor måtte reknast som sona.