Han har ei tid vore konstituert i stillinga, og var før det fabrikksjef i Brunstad.
– Han har gjort ein glimrande jobb og vi såg ingen grunn til å skifte han ut med andre, seier Eldar Eilertsen, styreleiar i Brunstad AS.
Bjøringsøy er utdanna ingeniør, og kom til Brunstad frå ei stilling i Form Fin.
Brunstad fekk stygge, raude tal i rekneskapen i fjor. Men Eilertsen seier at no er komne på rett kjøl att og at det blir overskot igjen i år.
– Vi har budsjettert med ei omsetning på 136 millionar kroner i år, og det skal vi klare.
Brunstad har 90 tilsette. Dotterbedrifta Violante i Estland har 50 tilsette.
Terje Engås