Det er stiftinga Design og arkitektur Noreg (DOGA) som har late seg begeistre for stolar og bord frå Fora Form. Dette er ei stifting under Nærings- og handelsdepartementet.

Dei tykkjer bordet Kvart liknar på ei trerot og gir det utmerkinga "Doga-merket". Bordserien har då også fått namnet "Roots".

"Inspirasjonen fra treets røtter er subtilt håndtert i det enkle understellet", skriv juryen i si grunngjeving.

Stolen "Camp" får også skryt og merke for god design. "Komponentene som armlener og fotkryss har en enkel og god detaljering som møtes på en elegant måte» er juryen si vurdering av stolen.

Også bordløysinga Kvart får juryen til å svinge seg språkleg. "Selve formen oppleves som harmonisk, nesten organisk, og de slanke føttene gir bordene visuelt en uanstrengt letthet".

Prisane blir delte ut onsdag kveld.