– Skatteinntektene svikta med 15 millionar kroner i 2017, frå 275 millionar kroner til 260 millionar kroner. Vi var nok i overkant optimistiske da vi budsjetterte. For 2018 tør vi ikkje å rekne med nokon vekst, seier rådmann Olaus-Jon Kopperstad i Herøy kommune til avisa Dagens Næringsliv (DN).
Han påpeiker at det er eit avvik på 20 millionar kroner mellom driftskostnadar og inntekter.
– Det avviket må vi dekke inn.
Ikkje nok
Tiltakspakken frå regjeringa har vore til hjelp for kommunen, men har ikkje vore nok. Rådmannen innrømmer at dei har nok vore i overkant optimistiske i budsjetteringa.
No legg kommunen opp til å kutte lønnsbudsjetta med rundt 1,75 prosent. Det betyr at ledige stillingar ikkje blir fylt og vikarar ikkje tekne inn.
– Vi hadde håpa det skulle snu. Pengane sitt ikkje like laust lenger, fortel ordførar Camilla Storøy.
– Dårleg økonomi
– Eg føler vi har dårleg økonomi i kommunen no. Vi må snu alle steinar. Eg trur innbyggjarane i kommunen vil merke denne krisa neste år, seier ho vidare.
Ho fortel at innbyggjarane kan merke det på redusert svømmeundervisning, fleire ungar i klassene og klanskje redusert åpningstid på helsestasjonen. Eigedomsskatt er likevel ikkje eit alternativ.