– Eg er både spent og audmjuk når eg går til den nye jobben, seier Varden til helseføretaket sine heimesider. Han kjem til jobben som direktør for Helse Førde frå rådmannsstillinga i heimkommunen Høyanger. Den nye sjefen i helse Førde er 52 år gammal, og har hatt fleire leiarstillingar i Høyanger kommune, og også fem år som direktør for medisinsk klinikk i Helse Førde.
– Eg tenkjer i alle fall å bruke litt tid på å bli godt kjent med organisasjonen, tileigne meg kunnskap og kompetanse om den før eg vurderer kva styringsgrep som trengst, seier Varden til helse-forde.no.