– Det var eit veldig engasjement i haust, men vi stoppa aksjonen då vi forstod at planane om å samle all sjukehusmat i Molde var lagde vekk, seier Bjarne Kvalsvik i Uavhengig valliste Sunnmøre.

Saman med Kari Ristesund overleverte han underskriftene til direktør Espen Remme i Helse Møre og Romsdal.

Det var god dialog på møtet, ifølgje Kvalsvik. Og dei fekk stadfesta at planane om kjøkkensentralisering er lagd vekk.

– Det er viktig at grasrota følgjer med dei som styrer sjukehusa våre og at demokratiet verkar, seier Kvalsvik og lovar å passe på vidare.