(Vikebladet) Ulstein kommune melder måndag at eit brot på ei vassleidning fører til at mange abonnentar i området bak skulane i Ulsteinvik blir utan vatn eit par timar framover.

Ifølgje Odd Kåre Wiik i teknisk etat er det abonnentar i området Prost Ankers gate, Lånagjerde, Storegjerde og Vikegjerdet som blir råka.

Reparasjonsarbeidet er i gong. Abonnentane som er råka har blitt varsla med SMS av kommunen.