Kjøpet kjem under eitt år etter at dei kjøpte Hotell Ivar Aasen i Ørsta.
Allereie då signaliserte dei stor interesse for Nordfjord:
Gondolbane ein magnet
– Det er berre ved å tenkje i større regionar at vi kan lukkast. På den måten reknar vi oss også som ein del av Nordfjord, og dermed i praksis til dømes satsinga på gondolbana i Loen. Dette er ein magnet vi trur på for framtida, i tillegg til alle dei andre lokale, sa Njål Sævik 30. juni i fjor, då det var klart at Havila Holding hadde kjøpt Hotell Ivar Aasen i Ørsta.
Per Sævik er dagleg leiar i Havila Holding, medan Njål Sævik er styreleiar. To søsken av Njål er styremedlemmer.
Havila Holding eig og driv også eit hotell på Færøyane, og dei er medeigarar i Thon Hotel Fosnavåg.
Også reiarlag
Sævik-familien eig også offshorereiarlag, verft, Fjord1 - og nyleg vart det klart at dei også engasjerer seg i hurtigrutedrift.
First Hotel Raftevold er eitt av dei mest tradisjonsrike hotella i Norge, drive av fire generasjonar i Raftevold-familien sidan 1867.
I 2011 kjøpte Jens Brokmann og Petra Wieth hotellet. I dag eig Brokmann hotell-selskapet åleine.