– Det kan jo bli ein del millimeter. Men bakken er så tørr at det kanskje renn oppå. Bøndene treng litt regn og yr samanhengande ei god stund for å få i gang igjen jordsmonnet. Det er ingen langvarig nedbør i sikte i Sør-Norge, seier meteorolog Steinar Skare.
Derimot er det venta regnbyer, med fare for torevêr, tysdag og særleg onsdag her på Nordvestlandet.
Det kan bety risiko for skog- og lyngbrann. Skogbrannindeksen til meteorologen viser ein stigande fare. For onsdag 18. juli er det meldt ein viss fare for Ålesund, Sjøholt og Tafjord.
Brannsjef Geir Thorsen i Ålesund har vurdert situasjonen.
– Det er veldig tørt med stort sett tørre bekkar over alt. Vi håper det kjem ein del regn før det byrjar å lyne og tordne, seier Thorsen.
– Men det er klart, om det byrjar å lyne før det kjem nedbør, er vi førebudd, seier han.
I fylket er det meldt stor skogbrannfare for Sunndal på Nordmøre i morgon.
Varslar om kraftige tordenbyer onsdag – Forutså at det kunne bli fôrkrise