– For å finne årsaka til skadehendingar som denne gjennomfører vi alltid tekniske undersøkingar. Denne saka har vore grundig handsama av både brannteknikarar og av juridisk avdeling. Vi har òg handsama klage grundig, seier Simen B. Rudi, kommunikasjonssjef for forsikring i Sparebanken 1.
– I denne saka involverte òg lokalt politi Kripos relativt raskt. Kripos fann spor av flyktig brennbar væske saman med lett lettenneleg materiale, og har utelukka tennvæske og Antibac. Undersøkinga avdekka ingen spor av kortslutning eller anna el-teknisk svikt.
Rudi oppmodar Sæther å ta saka inn for domstolen.
– Den beste måten vår kunde kan løyse denne saka er å ta den til rettsapparatet, som òg Finansklagenemnda anbefaler han å gjere. På den måten vil kunden få saka vurdert på ny i ein uavhengig instans, og om han skulle vinne fram så vil rettshjelpsforsikringa hans dekke utgifter som kostnad til advokat, seier Simen B. Rudi.