Blei blenda av sola - måtte svinge unna for å ikkje køyre på folk

Naudetatane rykte ut til ei trafikkulykke i Langevåg i Sula fredag kveld.

Førar var åleine i bilen og hevdar seg uskadd, skreiv politiet i Møre og Romsdal på Twitter like etter klokka halv åtte.

Ifølgje vitneforklaring skal sjåføren ha bremsa kraftig og mista kontrollen på bilen.

Det skal etter det Sunnmørsposten har fått opplyst ha skjedd då vedkomande blei blenda av kveldssola og samtidig observerte bevegelse.

– Føraren har forklart at det var lav sol og motlys. Det har gjort at ho blei blenda og måtte raskt svinge unna personar som gjekk i eit overgangsfelt, seier operasjonsleiar Leif Arne Mork.

Mork fortel at politiet opprettar sak på uhellet, men det blir opp til ein jurist å konkludere.