Dette seier den svært erfarne brannmannen og brannsjef Roy Inge Heltne i Volda.
Han var den som sist onsdag sende ein fullasta tankbil med mannskap til Vartdal for å hjelpe mannskapa der.
Dei stod rådlause etter at ein brannventil i vassnettet svikta, og der det ikkje fanst anna sløkkjevatn.
Vartdal-brannen blussa opp att
– Eg vil tru problemstillinga er temmeleg lik for bygdene våre, både i Ørsta, Volda og truleg dei fleste andre bygder. – Til lenger vekk frå sentrum – og frå sjø og vatn – til større er faren for at ein bygningsbrann endar med totalskade, konstaterer Roy Inge Heltne.
Han legg til at dette er ein velkjend og gammal problematikk.
Må kontrollerast
– Kva meiner du kan gjerast?
– Det er teknisk avdeling i kommunane og dei mange private vassverka som har ansvaret for at forsyninga til brannvernet fungerer.
Gardbrukar Geir Hole: – Aldri vore så redd
– Svikten i ein brannventil på Vartdal gjer synleg at alle slike bør kontrollerast. Dei må anten setjast i full funksjon, eller så bør dei umiddelbart nullast ut frå alle våre beredskapskart og planar, insisterer Heltne.
Han opplyser at det berre er i tettbygd strøk, der det er minst 250 hus og med ein maksavstand på femti meter, at det vert stilt heilt konkrete krav til hydrantar og vassforsyning.
Spesialkunnskap
I Volda og Ørsta vil dette gjelde berre dei to sentrumskjernane. Difor kan ein ikkje støtte seg på formelle krav for å få auka forsyninga utanfor sentrum, seier Heltne. Han fortel at Volda brannvern i mange tilfelle har redda situasjonen takka vere spesialkompetansen mellom mannskapa.
– Bygdebrannverna våre har ein heilt spesiell lokalkunnskap. Hos oss i sentrum har det vore ein enorm fordel at mange av mannskapa også er tilsette i tekniske avdelingar i kommunen. Dermed sit dei inne med den fremste spisskompetanse, seier Heltne.
Brannmannskap gjekk tom for vatn - sto fleire timar og heldt på ein tom brannslange
I dag vert tankbil frå grannebygda kalla ut straks, ved mistanke om vassmangel på brannstad.
Skal granske svikten
Han seier det vil vere heilt uråd å sikre sløkkjevatn til alle på bygdene.
– Større fokus på førebyggjande brannvern, detektorar og varsling er difor det viktigaste ein kan gjere, trur han.
Ordførar Stein Aam i Ørsta seier kommunen umiddelbart set i gang arbeid med å granske svikten på Vartdal.
– Vi skal kartleggje og vi skal snarast gjere det vi kan også ute på bygdene våre, seier han.