– No må vi få meir pengar frå staten, seier dei i ei fråsegn.
Etter møtet i går var Jon Askeland (Vestland), Line Hatmosø Hoem (Møre og Romsdal) og Marianne Chesak (Rogaland) tydelege i krava.
Dei peikar på at vedlikehaldsetterslepet langs fylkesvegane på Vestlandet er stort, og at det har auka særleg etter 2010, då fylkeskommunane fekk ansvaret for fleire tidlegare riksvegstrekningar utan økonomisk kompensasjon.
Sidan har det blir innført fleire nasjonale krav som krev auka løyvingar til vegdrift, vedlikehald og oppgradering av bruer, tunnelar og ferjekaier, heiter det.
– Dei siste åra har også våtare og villare vêr gitt fleire ustabile periodar. Samla har dette bidrege til auka behov for pengar til vedlikehald, samstundes som kostnadsutviklinga innanfor samferdselssektoren har vore formidabel. Det betyr at løyvingar til vedlikehald dei siste åra har gitt mindre att for pengane, står det vidare i fråsegna.
(©NPK)