Meldinga frå politiet vert lagt ut klokka 23.27, men trafikkulykka skal ha skjedd klokka 21.40. Då rykka dei ut til fylkesveg 61 på Leikong i Herøy.
Ein bil køyrde av vegen, og i den sat det fire personar. Alle vart køyrt til legevakt for sjekk.
– Det var mindre personskadar på dei som sat i bilen, seier operasjonsleiar Eivind Klokkersund.
Han kan ikkje seie noko om årsaka.
– Bilførar er avhøyrt. Den vidare etterforskinga vil avdekke årsaka, seier han.
Bilbergar har henta bilen.