Tysdag skreiv Sunnmørsposten at Landbruk Nordvest formidlar kjøp og sal av grasfôr i Møre og Romsdal. Også ein privatperson, Per Martin Horsgård, driv med formidling av fôr i fylket.
– Kvar dag er det fleire som ringer for å spørje om det er noko å kjøpe, ifølgje Horsgård.
– Den første som ringde i mai ville ha 300 rundballar. Så eigentleg er eg utselt. Du gjer meg ei teneste om du skriv at eg ikkje har noko å selje, seier han.
Problemet kan også forplante seg til neste år, når tørrsvidde markar må såast på nytt før det blir ny avling.
Horsgård er dermed litt fortvilt over at ikkje alle nedlagde småbruk står til disposisjon for bøndene.
Les også: Det er ingen som snakkar om krise her
Får ikkje lov å slå
– Slik er det i dei fleste bygder. Det finst gardbrukarar som spør om å få slå markar men som får avslag. Ein fortalde at «bortpå der har eg spurt om å få slå, men eg får ikkje lov. Dei fer over med beitepussar i staden», seier Horsgård oppgitt.
– Forutså at det kunne bli fôrkrise
Les også: No har eg lyst på tre veker med regn
– Det er kommunane som har fått jobben med å følgje opp driveplikta. Driveplikta går aldri ut. Det er ikkje ei privatsak om markane blir slått, seier Overvoll, og freistar med at det kan vere pengar å tene.
Slå og gjødsle
Dersom gammalt gras blir slått no og køyrt vekk, kan det med gjødsling bli ei bra avling om fem-seks-sju veker – dersom det kjem nedbør. Det er altså ein risiko å ta.