Skilsmissearbeidet blei 26. januar sett på pause fordi Ålesund ikkje har visst om staten vil ta rekninga. Ifølgje Ålesund kommune vil det koste 237 millionar kroner å opprette to nye kommunar og avvikle noverande kommune.

Fredag gjorde kommunal- og distriktsminister Sigbjørn Gjelsvik det kjend at Ålesund kommune får 200 millionar kroner for å dekke kostnader ved deling.

Ordførar Eva Vinje Aurdal bad formannskapet ta stilling til saka skriftleg innan måndag. Formannskapet vedtok samrøystes at kommunedelinga kan fortsette.

Dessutan blei det vedtatt at formannskapet føresett at eventuelle meirkostnadar utover dei 200 millionar som regjeringa har gitt lovnad om vert dekka.