– Vi merkar større pågang enn før, seier Frode Briksdal i Briksdal adventure.
Det trass i at Briksdalsbreen nærmast har smelta vekk. Padling i vatnet under breen, teambuildning og brevandring på Strynefjellet er tilbod turistar frå inn- og utland omfamnar.
Naturguiding er ei næring i vekst. Behovet for fleire guidar er såpass stort at Høgskulen i Volda fekk nytt naturguide-studium i 2015. Einar Løken, tindevegleder i Bre og fjell meiner vi berre har sett starten.
– Dette er framleis ei ung næring, med mykje uforløyst potensial, trur han.
Problematiserer bilete på sosiale medie
Reidmar Rundberg jobbar for Uteguiden si nye avdeling i Ålesund. Uteguiden ekspanderte i 2017 frå å primært ha turar i Sunnmørsalpane, til å også tilby kombinerte kajakk- og fjellturar i Ålesund.
Uteguiden etablerer seg i Ålesund
– Guidar har mykje kunnskap og har sat seg grundig inn i dei lokale forholda, seier han.
Rundberg er ein av fleire i bransjen som meiner at sosiale medie, som Instagram, har mykje av æra for at det å utfalde seg i naturen har blitt enda meir populært. Utsiktene til å høste «likes», kan vere påskjøning god som ein kvar tursjokolade.
– Men, ei einaste ulykke kan vere nok til å øydeleggje alt for et firma, ja kanskje for heile næringa påpeikar han og hever øyenbryna.
Etter dødsulykka i Muldasfossen:
Nøring vil ha guidar framfor gjerde
Familien takkar alle som hjelpte
Nøring i Destinasjon Ålesund og Sunnmøre prøver å opplyse folk om at dei må ta sikkerheita på alvor.
– Bilete har stor makt. På bilete ser det enkelt ut å klive opp på fjell, det kan gjere at uerfarne personar utset seg for fare. Vi prøver å opplyse folk om at ein må ta tryggleiken på alvor, fortel ho.
Nøring meiner ein guide kjem godt med også på dei enklaste turane, for urøynde personar.
– Til dømes veit faktisk ikkje alle at røter kan vere sleipe.
Anita Nøring har sjølv brukt guide:
– Det gjer noko med opplevinga, meiner ho.
Ho fortel om ein guide ho hadde i eventyrskogen på Lepsøya. Guiden oppdaga ein frosk i ein bekk, og brukte den til å fortelje om økosystemet i skogen. Dette gav barna som var med mykje.
Best på natur
– Det går ikkje an å selje inn alt, så vi må fronte det vi er best på, hevdar Nøring.
Ho fortel at mange i reiselivsbransjen har jobba hardt i årevis for å sette Noreg på kartet.
(For ordens skuld: det interaktive kartet er laga på eiget initaitv av Sunnmørsposten)
– Tidlegare var det nok for turistane å køyre forbi fjelltoppen, sjå på han og seie «åh, så flott»! No vil folk opp.
Orienter deg i kartet øvst i saka for å skaffe deg oversikt over tilhøva.