Iris Fivelstad ved Villa Norangdal i Sunnylven er tildelt Optimistprisen 2015. Prisen var delt ut denne veka under Grøn Fjord-konferansen i Geiranger.

Det er Stiftinga Geirangerfjord verdsarv som deler ut prisen, som kan delast ut til bedrifter, organisasjonar, frivillige lag eller einskildpersonar i verdsarvområdet med omland.

Prisvinnaren må gjennom ein lengre periode ha vist særskild mot og optimisme i sitt arbeid eller gjennom handling ha vist evne til omstilling og tru på framtida, heiter det i statuttane.

– Juryen meiner Iris står som eit glimrande føredøme på kvalitetar som stettar alle krava for prisen. Særleg framhevar vi kjøpet av Villa Norangdal og utviklinga ved hotellet til ein kulturhistorisk skatt, men også prisvinnaren sitt miljøengasjement,» seier juryen.